كم مرة نجوت من الموت

أكيد كل واحد فينا تعرض لمواقف كثيرة منها الغريب والعجيب والمضحك

والمحرج ،لكن أنا مو قصدي هذي قصدي المواقف إلي ما نصدق متى تنتهي

وبالرغم من نهايتها ،ما نصدق أنا عايشين على وجهه الدنيا ، وحتى لما نتذكره تحس

أنكتب لك عمر جديد........أنا مثلاً عندي موقف كل ما تذكره أحس أني شفت الموت

صحيح أني ما صارلي شيء وطلعت منه سليمة معافاة بس

والله شفت الموت أكيد تبون تعرفون الموقف"واحده واثقة "

المهم

لما كنا في أبها

ركبنا" تلف ريك" وكان الجو فيه هوى قوي

تقدرون تقولون عاصفة

وماكان فيه مطر بس الجو مغيم

بس مشينا صارت تمطر خفيف

ورعد وبرق

"والله اشتقت لهذا الجو في الرياض"

المهم

لما صرنا في الوسط وقفوا "التلف ريك"

في البداية قلنا بنمشي خمس دقا يق، عشر

الموضوع طوول يا جماعه وأنا اخوي إلي راكبين

لا وبعد اصغر مني وحتى الجوال مافيه ارساال

واسمع عاد صوت الرعد والهواء إلي يوديك يمين ويسار

تقول راكبين مرجيحه المهم في بداية مسويه نفسي قويه

وجالسه أصور ، اخوي صغير بدا يخاف شوي شوي ونشوف فيه

الالتماس قلت جاني الموت ولما شفت الموضوع جد قلت لخوي

مافيه آمل نعيش خلاص ترانا بنموت والله اخوي جلس يبكي

"بابن الحلال اسكت والله شوي وابكي معه بس مدري ليش ما طلعت دموعي"

والله الثانية كأنه سنه ياله تمشي وجلسنا حوالي الساعة إلا ربع

كان فيه "طائره مروحيه" تدور جالسه تلعب الظاهر ما تدري عنا

وبعددين تــــــــــــــــــونا نمشي وصلنــــــــــــــــــــــــــــــا

مافينا إلا العافية بس قلوبنا بتوقف من الخوف

أمكن عندكم الموقف عادي بس وحده خوافة مثلي والله شفت الموت ونجينا منه

بأعجوبة
شو رأيكم في الموضوع ؟ ؟ ؟ ؟ على فكره الموضوع ما يحلى إلا لما تذكرون مواقف نجيتوا منه بأعجوبة من الموت ؟ ؟ ؟ ؟ ؟ ؟ ؟ ؟ ؟ ؟ ؟ ؟
تعبت من احزاني وهمومي غير متواجد حالياً رد مع اقتباس